Azərbaycanın parabadmintonçusu İbrahim Əliyev Misirin paytaxtı Qahirədə təşkil edilən beynəlxalq turniri iki medalla başa vurub.
Apasport.az xəbər verir ki, 19 yaşlı idmançı həm fərdi mübarizədə, həm də türkiyəli Sedat Tumkaya ilə birlikdə çıxış etdiyi qoşa yarışda 2 bürünc mükafata sahib çıxıb.
İbrahim fərdi yarışın qrup mərhələsində misirli və hindistanlı rəqiblərini məğlub edərək 1/8 finala vəsiqə qazanıb. İdmançımız ardıcıl iki mərhələdə hindistanlı rəqibləri üzərində qələbə qazanıb və yarımfinaladək irəliləyib.
Qoşa yarışda isə qrup mərhələsini misirli və hindistanlı rəqibləri üzərində iki qələbə ilə başa vuran Əliyev və Tumkaya tandemi 1/4 finalda da hindistanlı rəqiblərini məğlub edib və turniri yarımfinalda başa vurub.
Qeyd edək ki, turnir Beynəlxalq Badminton Federasiyasının "Grade 2" kateqoriyasına daxil edilən təsnifat yarışıdır.
Oxşar xəbərlər
Ana səhifə
Bütün xəbərlər
Hesabım