Bakı. Kənan Həsənov – APA-Sport. Bakı Otüstü Hokkey Kompleksində təşkil olunan qadınlar arasında Olimpiya təsnifat turnirində üçüncü turun oyunları keçirilib. “APA-Sport” agentliyinin məlumatına görə, pakistanlı mütəxəssis Tahir Zamanın başçılıq etdiyi Azərbaycan milli komandası Belarusa 3:0 hesabı ilə qalib gəlib. Hesabat turu çərçivəsində keçirilən digər oyunlarda İspaniya Ukraynanı 3:1, Çili isə Keniyanı 5:0 hesabı ilə məğlub edib. Üç oyundan sonra Azərbaycan yığması maksimum nəticə ilə turnir cədvəlinə başçılıq edir. İspaniya yalnız top fərqinə görə millimizdən geri qalır. Yığmamız sabah 4-cü tur çərçivəsində məhz ispaniyalılarla qarşılaşacaq.
Qeyd edək ki, dairəvi sistemlə keçirilən turnirdə birinci yeri tutan komanda Pekin Yay Olimpiya Oyunlarına qatılmaq imkanı verən yeganə lisenziyaya sahib çıxacaq.

• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək