25 yaşlı idmançı bildirib ki, XXIX Pekin Yay Olimpiya Oyunlarına tam hazırlaşmaq üçün Novxanıda keçiriləcək təlim-məşq toplanışında iştirak edəcək: “Mənim texnikam aşağıdır. Yəni, müxtəlif fəndləri işlətməyə çətinlik çəkirəm. Sabah Novxanıda start götürəcək iki həftəlik təlim-məşq toplanışında məhz bu çatışmazlığı aradan götürməyə çalışacağam”. Avropa çempionatının gümüş mükafatçısı fiziki yüklənmədən əziyyət çəkdiyini gizlətməyib: “Ardıcıl təlim-məşq toplanışlarına qatıldığımdan yorulmuşam. Yəqin ki, Pekinə getməmişdən öncə Qazaxıstanda 5-6 gün dincəlmək imkanı yaranacaq”. K.Qasımova olimpiadada medal qazanıb, tilsimi qıracağını vurğulayıb: “Əsas rəqiblərim Cənubi Koreya, Yaponiya və Fransa cüdoçularıdır. Onlarla mənim güləşim alınmır. Buna baxmayaraq, Vətənə medalla dönəcəyimə inanıram. Pekin Olimpiadasında hansı əyarlı mükafat qazanmağımın isə fərqi yoxdur. Təki medal olsun!”
Qeyd edək ki, K.Qasımova Zülfiyyə Hüseynovadan sonra Yay Olimpiya Oyunlarında qüvvəsini sınayacaq ikinci qadın cüdoçumuz olacaq.

• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib
• "Şahdağ"da keçirilən Dünya Kubokuna yekun vurulub