Bakı. Aqşin Əliyev - APA-Sport. Bu gün Rusiyanın Poykovski şəhərində XII dünya çempionu Anatoli Karpovun şərəfinə həsr olunan beynəlxalq turnirdə 8-ci turun oyunları baş tutub. “APA-Sport” agentliyinin məlumatına görə, yarışda Azərbaycanın şərəfini qoruyan Vüqar Həşimov hesabat turunda qələbə qazanıb. Ağ fiqurlarla ispaniyalı Aleksey Şirova qarşı mübarizə aparan 22 yaşlı şahmatçımız 67-ci gedişdə rəqibini mat edib. Turun digər partiyalarında - Sergey Rublyovski (Rusiya) - Andrey Volokitin (Ukrayna), Dmitri Yakovenko (Rusiya) - Ernesto İnarkiyev (Rusiya), Viorel Baloqan (Moldova) - Van Xao (Çin) və Emil Sutovski (İsrail) - Aleksandr Onişuk (ABŞ) oyunlarında heç-heçə qeydə alınıb. Beləliklə, yarış cədvəlində yeganə dəyişiklik məhz V.Həşimovla bağlı olub. Xalını 5-ə çatdıran beynəlxalq qrossmeysterimiz liderlər qrupuna yüksəlib. O, A.Şirov, S.Rublyovski və D.Yakovenko ilə birgə 1-4-cü yerləri bölüşdürür. Həmvətənimiz sabah son tur çərçivəsində Van Xaonu sınağa çəkəcək.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib