Bakı. Aqşin Əliyev - APA-Sport. Azərbaycanın yeniyetmə ağırlıqqaldıranları 7 illik fasilədən sonra Avropa çempionatında iştirak edirlər. “APA-Sport” agentliyinin məlumatına görə, sabah Fransanın Amyen şəhərində start götürəcək qitə birinciliyinə 3 atletimiz - Zülfüqar Seyidov (50 kq), Nicat Rəhimov (62 kq) və Nail Nəbiyev (69 kq) qatılıb. Avropa çempionatında yalnız oğlanların yarışında çıxış etməyimizə əsas səbəb ölkəmizdə qızların ağır atletika ilə peşəkarcasına məşğul olmamalarıdır. Turnirin ilk günündə podiuma Z.Seyidov çıxacaq. İyulun 23-də N.Rəhimov, ertəsi günü isə N.Nəbiyev qüvvəsini sınayacaq. Avropa çempionatına iyulun 27-də yekun vurulacaq. Milli komandanın baş məşqçisi qismində Fransaya Xanlar Nəbiyev yollanıb.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO