Bakı. Aqşin Əliyev - APA-Sport. İyulun 31-də Rusiyanın Soçi şəhərində Beynəlxalq Şahmat Federasiyasının təşkil etdiyi Qran-Pri turnirinin ikinci mərhələsi start götürəcək. “APA-Sport” agentliyinin məlumatına görə, yarışda Azərbaycanın şərəfini 2 idmançı qoruyacaq. Bunlar Teymur Rəcəbovla Vüqar Həşimovdur. Ümumi mükafat fondu 300 min avro olan turnirdə 14 şahmatçı dairəvi sistem üzrə oynayacaqlar. Həmyerlilərimizlə yanaşı, yarışa Vasili İvançuk, Sergey Karyakin (hər ikisi Ukrayna), Pyotr Svidler, Aleksandr Qrişuk, Dmitri Yakovenko (hamısı Rusiya), Van Yue (Çin), İvan Çeparinov (Bolqarıstan), David Navara (Çexiya), Məhəmməd Əl-Modiyahi (Qətər), Qata Kamski (ABŞ), Boris Qelfand (İsrail) və Levon Aronyan (Ermənistan) qatılacaqlar. Turnirə avqustun 14-də yekun vurulacaq.
Qeyd edək ki, Qran-Prinin ilk mərhələsi bu ilin yazında Bakıda keçirilib. Həmin yarışda çıxış edən Vüqar Həşimov 1-ci, Şəhriyar Məmmədyarov 4-5-ci, Teymur Rəcəbov isə 8-10-cu pillələrdə qərarlaşıb.

• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib