Bakı. Kənan Həsənov - APA-Sport. İspaniyanın Balaquer şəhərində keçirilən beynəlxalq şahmat turniri başa çatıb. “APA-Sport” agentliyinin məlumatına görə, 13-cü dəfə təşkil olunan yarışda Azərbaycan şahmatçıları da iştirak ediblər. Həmyerlilərimiz 10 turdan ibarət olan yarışın mükafatçıları sırasında yer ala bilməyiblər. Hərəyə 7 xal toplayan Azər Mirzəyevlə Rəşad Babayev 10-11-ci pillələri bölüşüblər. Loğman Quliyev isə 6,5 xalla 18-ci yeri tutub. Turnirin qalibi adını ukraynalı Vladimir Baklan (8 xal) qazanıb.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib