Bakı. Elşən Məmmədov - APA-Sport. Yunanıstanın ağır atletika üzrə yığma komandasının daha bir üzvünün istifadəsi qadağan olunmuş dərman preparatından istifadə etdiyi üzə çıxıb. “APA-Sport” agentliyinin məlumatına görə, bu haqda Yunanıstan Ağır Atletika Federasiyasından bildirilib. 2008-ci il Pekin Yay Olimpiya Oyunlarında çıxış edəcək Yunanıstan millisinin üzvü olmayan həmin idmançının adı B testinin nəticəsi məlum olmayanadək açıqlanmayacaq. Ağır atletdən A testi iyulun 9-da götürülüb.
Qeyd edək ki, martda aparılan yoxlama zamanı Yunanıstanın ağır atletika yığmasının 11 üzvünün metiltrienolon anabolik steroidindən istifadə etdiyi aşkarlanıb. Ölkənin daha 3 idmançısı – üzgüçü Yannis Drimonakos, avarçəkən Yannis Tsamis və adı açıqlanmayan boksçu dopinq-testində ilişib.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO