Bakı. Kənan Həsənov - APA-Sport. İtaliyanın Bra şəhərində keçirilən otüstü hokkey üzrə 21 yaşadək oğlanlar arasında Avropa çempionatının Trofi divizionunun pley-off mərhələsinin oyunları başlayıb. “APA-Sport” agentliyinin məlumatına görə, A qrupunda keçirdiyi ardıcıl 4 görüşdə məğlub olan Azərbaycan milli komandası yenə meydanı qələbə qazanmadan tərk edib. Saleh Hüseynov və Yusif Qasımovun rəhbərlik etdiyi yığmamız pley-off mərhələsinin ilk matçında İsveçrəyə 1:4 hesabı ilə uduzub. Avropa çempionatının ən yüksək divizionuna yüksəlmək şansını itirən millimiz sabah 9-cu yer uğrunda Türkiyə - Çexiya cütünün qalibi ilə qarşılaşacaq.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO