Bakı. Kənan Həsənov - APA-Sport. Rusiyanın Soçi şəhərində təşkil olunan şahmat üzrə Qran-Pri turnirinin ikinci mərhələsi çərçivəsində V turun oyunları keçirilib. “APA-Sport” agentliyinin məlumatına görə, hesabat turu Azərbaycan milli komandasının lideri Teymur Rəcəbov üçün uğurlu alınıb. Ötən oyunda gözlənilmədən məğlub olan 21 yaşlı beynəlxalq qrossmeysterimiz fantastik qələbə qazanaraq liderliyə yüksəlib. Vahid lider İvan Çeparinovla (Bolqarıstan) görüşən həmyerlimiz üstünlüyü ələ keçirsə də, 24-cü gedişdə adi epizodda diqqətsizlik ucbatından “vəzir”i itirib. Amma vaxtında toparlanan T.Rəcəbov mükəmməl oyunla rəqibini 38-ci gedişdə təslim olmağa məcbur edib. Vüqar Həşimov isə yenə qələbə hesabını aça bilməyib. Təmsilçimiz ardıcıl beşinci heç-heçəni çinli Van Yue ilə görüşdə rəsmiləşdirib.
V tur çərçivəsində baş tutan Vasili İvançuk (Ukrayna) - Məhəmməd Əl Modiaki (Qətər), David Navara (Çexiya) - Dmitri Yakovenko (Rusiya), Boris Qelfand (İsrail) - Qata Kamski (ABŞ), Levon Aronyan (Ermənistan) - Sergey Karyakin (Ukrayna), Aleksandr Qrişuk (Rusiya) - Pyotr Svidler (Rusiya) görüşlərində qalib müəyyənləşməyib. Beş oyundan sonra turnir cədvəlinə 3 xalla T.Rəcəbov, İ.Çeparinov və A.Qrişuk başçılıq edir. V.Həşimovun hesabında 2,5 xal var. Bu gün istirahət edəcək şahmatçılar sabah VI tur çərçivəsində münasibətlərini aydınlaşdıracaqlar: İ.Çeparinov - A.Qrişuk, P.Svidler – V.Yue, V.Həşimov - D.Navara, D.Yakovenko - V.İvançuk, B.Qelfand - T.Rəcəbov, M.Ə.Modiaki - L.Aronyan, Q.Kamski - S.Karyakin.

• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib