Bakı. Elşən Məmmədov - APA-Sport. Bu gün Azərbaycan nümayəndə heyəti avqustun 8-də start götürəcək Yay Olimpiya Oyunları ilə əlaqədar Çinin paytaxtı Pekinə yollanıb. “APA-Sport” agentliyinin məlumatına görə, Heydər Əliyev Beynəlxalq Hava Limanında idmançılarımızı onların yaxınları və azarkeşlərlə yanaşı, jurnalistlər də yola salıblar. 147 nəfərlik nümayəndə heyətinin tərkibində idmançı qismində 16 güləşçi, 2 boksçu, 2 ağırlıqqaldıran, 2 atlet və 2 üzgüçü yer alıb. 6 cüdoçu, 3 ağırlıqqaldıran, 1 stend atıcısı və 1 çapar artıq Pekindədir. 8 bədii gimnastımız və 1 taekvondoçumuz isə avqustun 16-a nəzərdə tutulan növbəti çarter reysi ilə Pekinə yollanacaqlar. Bundan başqa, məşqçilər, federasiyaların, Gənclər və İdman Nazirliyi ilə Milli Olimpiya Komitəsinin rəsmiləri də Pekinə uçublar. Səfər öncəsi hər bir idmançımız və məşqçimiz müqəddəs “Qurani-Kərim”in altından keçərək, ölkəmizi layiqincə təmsil edəcəklərinə söz veriblər.
Qeyd edək ki, Pekin Olimpiadası avqustun 24-dək davam edəcək. Yığma üzvlərindən ilk olaraq, mübarizəyə cudoçumuz Ramil Qasımov (66 kq) və üzgüçümüz Oksana Hətəmxanova (100 metr, brass) qoşulacaqlar. Onlar avqustun 10-da qüvvələrini sınayacaqlar.

• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib