Moskva. Elşən Məmmədov – APA-Sport. “Pekin Olimpiadasında əsas rəqiblərimiz Azərbaycan gimnastları olacaqlar”. “APA-Sport” agentliyinin məlumatına görə, bu sözləri Rusiyanın sabiq gimnastı, “NTV-Plyus”» telekanalının şərhçisi Lyaysan Utaşyova deyib. Vaxtilə Dünya Kubokunun sahibi və Avropa çempionatlarının dəfələrlə qalibi olmuş L.Utaşyova bildirib ki, Azərbaycanda gimnastika son iki il ərzində inanılmaz dərəcədə yüksəlişə qədəm qoyub. Rusiyalı mütəxəssis XXIX Yay Olimpiya Oyunlarında ölkəmizi təmsil edəcək bədii gimnastlarımız Aliyə Qarayeva ilə Dinarə Gimatovanın dünya və Avropa çempionatlarında komanda hesabında üçüncü yeri tutduqlarını xatırladıb. L.Utyaşyova, həmçinin ukraynalı Anna Bessonova və belaruslu İnna Jukovanı da Rusiya yığmasına rəqib saydığını açıqlayıb.
Qeyd edək ki, Pekin Olimpiadasında bədii gimnastika üzrə fərdi çıxışlar 22-23 avqustda olacaq.

• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib