Rusiyanın paytaxtı Moskvada təşkil olunan şahmat üzrə “Aeroflot Open-2009” blits turniri başa çatıb. Apasport.az saytının məlumatına görə, yarışda Azərbaycanın şərəfini Şəhriyar Məmmədyarov, Vüqar Həşimov, Rauf Məmmədov və Eltac Səfərli qoruyub.

Təmsilçilərimizdən ən yaxşı nəticəni Həşimov göstərib. O, 18 oyundan 14,5 xal toplayaraq, 2-ci yeri tutub. Vüqar turnirin qalibi ukraynalı Sergey Karyakindən yarım xal geri qalıb.

Həmçinin, “Aeroflot Open-2009” festivalında qalmaqalla üzləşən və yarışı yarımçıq tərk edən Şəhriyar Məmmədyarov da blits turnirdə mükafata layiq görülüb. 24 yaşlı şahmatçı 13 xalla 3-cü pillədə qərarlaşıb.

Digər həmyerlilərimiz isə zəif çıxış ediblər. Rauf Məmmədov 14-cü (12 xal), Eltac Səfərli 61-ci (10 xal) yeri tutub.

• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib