Qadın otüstü hokkeyçilərdən ibarət Azərbaycan milli komandasına yeni baş məşqçi təyin olunub. Azərbaycan Otüstü Hokkey Federasiyasının (AzHF) mətbuat katibi Yaqub Nuriyevin apasport.az saytına verdiyi məlumata görə, bundan sonra yığmanı koreyalı Joa Hanq çalışdıracaq.

Hələlik tərəflər arasında rəsmi müqavilə imzalanmayıb. Buna baxmayaraq, Hanq dünəndən etibarən otüstü hokkeyçilərimizi məşq etdirir. AzHF rəhbərliyinin koreyalı məşqçi ilə uzunmüddətli müqavilə bağlayacağı gözlənilir.

Hanqın baş məşqçi postunda əvəzlədiyi pakistanlı Tahir Zaman isə regionlarda otüstü hokkeyin inkişafına nəzarət edəcək.

Qeyd edək ki, AzHF rəsmilərinin yığmanın baş məşqçi vəzifəsi üçün argentinalı Serxio Vixil və ispaniyalı Xose Barasa ilə apardığı danışıqlar nəticəsiz qalmışdı.

• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib