Monakoda şahmat üzrə nüfuzlu “Amber” turniri davam edir. Apasport.az saytının məlumatına görə, burada “gözübağlı” və sürətli şahmat oynayan 12 zəka sahibi mübarizə aparır. Yarışda Azərbaycanın yeganə təmsilçisi Teymur Rəcəbovun çıxışı hələlik uğursuz alınır.

22 yaşlı həmyerlimiz VIII turda “gözübağlı” Levon Aronyana (Ermənistan) uduzub. Onlar arasında sürətli şahmat görüşü isə heç-heçə nəticələnib. Hazırda Rəcəbov “gözübağlı” yarışda 3,5 xalla 7-ci, sürətli şahmatda 3 xalla 11-ci sıradadır. Ümumi hesabda 6,5 xala malik olan Teymur 10-cu pillədə qərarlaşıb.

Mükafat fondu 216 min avroya bərabər turnirin iştirakçıları bu gün istirahət edirlər. 24-26 mart aralığında son 3 turun görüşləri keçiriləcək.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar