FİDE bu gün yeni reytinq siyahısını açıqlayıb. Apasport.az saytının məlumatına görə, planetin ən güclü 100 qrossmeysteri arasında 5 həmyerlimiz də var.

Ötən siyahıda birinci olan Vişvanatan Anand (2783, Hindistan) bu dəfə yerini Veselin Topalova (2812, Bolqarıstan) verib. Norveçli vunderkind Maqnus Karlsen (2770) üçüncü, rus Vladimir Kramnik (2759) dördüncü yerdədir. Beşinci pillədə şahmatçımız Teymur Rəcəbov (2756) qərarlaşıb ki, o, erməni Levon Aronyanı 2 xal qabaqlayır.

Adətən son reytinq sıralamalarında yuxarı pillələrdə qərarlaşmış Şəhriyar Məmmədyarov isə “yuvarlanma”ya düçar olub. Belə ki, sumqayıtlı qrossmeyster 20-ci yerə düşüb - 2725. Əvəzində Vüqar Həşimov (2730) sıçrayış edib. 23 yaşlı şahmatçı 16-cı pilləyə yüksəlib.

“Top-100”dəki digər iki təmsilçimiz aşağı yerlərdə qərarlaşıb. Belə ki, Qədir Hüseynov (2659) 65-ci, Rauf Məmmədov (2645) 85-ci pilədədir.

Azərbaycan komanda kimi İsraillə birgə 4-5-ci pillələri bölüşdürür. Hər iki ölkənin hesabında 2640 xal var.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar