Litvanın paytaxtı Vilnüsdə keçirilən Avropa çempionatında sabah daha 4 çəki dərəcəsində qadın güləşçilər mübarizəyə qoşulacaqlar. Apasport.az saytının lent.az-a istinadən məlumatına görə, Azərbaycanın xanım pəhləvanları bu çəkilərin hamısında çıxış edəcəklər.

Artıq güləşçilərimizin rəqibləri də müəyyənləşib. Onların hamısı mübarizəyə 1/8 final mərhələsindən qoşulacaqlar. Avropa çempionu və 2008-ci il Pekin Yay Olimpiya Oyunlarının bürünc mükafatçısı Mariya Stadnikin (48 kq) ilk rəqibi Liliya Kaskarakova (Rusiya) olacaq.

Nadiya Qradyuk (55 kq) birinci görüşünü eyni mərhələdə Lenka Martinakova (Çexiya) ilə keçirəcək. Olesya Zamula (63 kq) Mariya Diananı (İtaliya), Dina İvanova (72 kq) isə Nataliya Şinkarovanı (Belarus) sınağa çəkəcək.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar