Velosiped idmanı üzrə dünya çempionu, avstraliyalı Cobi Dayka faciəvi şəkildə ölüb. Apasport.az saytının məlumatına görə, onun cəsədi evində tapılıb.

27 yaşlı idmançının hansı səbəbdən öldüyü məlum deyil. Onun kiminsə tərəfindən qətlə yetirildiyi, yoxsa hadisənin intihar olması hələlik bilinmir.

Xatırladaq ki, Dayka karyerasının ən uğurlu illərini 7 il öncə yaşayıb. Əvvəlcə, 2002-ci ildə nüfuzlu beynəlxalq turnirin qalibi olan velosipedçi elə həmin il dünya çempionu tituluna yiyələnib.

Lakin 2003-cü ildən etibarən onun karyerasında eniş başlayıb. O, dopinq qalmaqalında ilişdiyindən, 2004-cü il Afina Olimpiadasına yollana bilməyib. 2005-ci ildə isə Cobi məşqçisinə fiziki təzyiq göstərdiyi üçün 3 ay həbsxanada yatıb.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar