Rusiyanın Nalçik şəhərində şahmat üzrə Qran-Pri turnirinin 4-cü mərhələsi start götürüb. Apasport.az saytının məlumatına görə, yarışda Azərbaycan yığmasının üzvü Şəhriyar Məmmədyarov da qüvvəsini sınayır. Onunla (2725) yanaşı, yarışda daha 13 qrossmeyster - Peter Leko (Macarıstan, 2751), Aleksandr Qrişuk (Rusiya, 2748), Vasili İvançuk (Ukrayna, 2746), Boris Qelfand (İsrail, 2733), Etyen Bakro (Fransa, 2728), Petr Svidler (Rusiya, 2726), Sergey Karyakin (Ukrayna, 2721), Qata Kamski (ABŞ, 2720), Yevgeni Alekseyev (Rusiya, 2716), Vladimir Akopyan (Ermənistan, 2696), Rüstəm Qasımcanov (Özbəkistan, 2695), Pavel Elyanov (Ukrayna, 2693) və Levon Aronyan (Ermənistan, 2754) mübarizə aparır.

Şəhriyar bu gün ilk tur çərçivəsində yarışın reytinq-favoriti Levon Aronyanla üz-üzə gəlib. Həmvətənimizin ağ fiqurlarla oynadığı partiyada qələbəni rəqibi qazanıb. 32 gedişdə təslim olan Məmmədyarov sabah Leko ilə qarşılaşacaq.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar