Güləş üzrə Azərbaycan milli komandası Özbəkistanın paytaxtı Daşkənddə təşkil olunan “Qızıl Qran-Pri” turnirində 4 medala layiq görülüb. Apasport.az saytının məlumatına görə, az öncə Litvada keçirilmiş Avropa çempionatından fərqli, bu dəfə yunan-Roma güləşçilərimiz daha yaxşı təsir bağışlayıblar.

Belə ki, qazanılan medallardan 3-ü “klassiklər”in payına düşür. Bu növdə bir dəst medal əldə etmişik. Sakit Cəlilov (60 kq) birinci, Emin Əhmədov (66 kq) ikinci, Qadir Süleymanov (55 kq) isə üçüncü yeri tutub.

Sərbəst güləşçilərimizdən isə təkcə yığmamızın dağıstanlı legioneri Camaləddin Maqomedov fərqlənib. 96 kq çəki dərəcəsində yarışan pəhləvan bürünc medal qazanıb.

Qeyd edək ki, milli komandamız Avropa çempionatında sərbəst növdə 4 qızıl, 1 gümüş, 1 bürünc, yunan-Roma növündə isə cəmi 1 bürünc medala sahib çıxmışdı.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar