Mərhum prezident Heydər Əliyevin xatirəsinə həsr olunmuş şahmat üzrə "Prezident Kuboku" uğrunda yarışın rəsmi veb səhifəsi hazırlanıb. Azərbaycan Şahmat Federasiyasının mətbuat katibi Tural Baxışovun apasport.az saytına verdiyi məlumata görə, turnir barədə bütün məlumatları www.presidentcup.az saytından öyrənmək mümkündür.

Yarış 7-9 may aralığında "ÜNS" yaradıcılıq səhnəsində baş tutacaq. “Prezident kuboku” çərçivəsində, həmçinin Azərbaycan və dünya yığmaları arasında yoldaşlıq görüşü keçiriləcək. Bu görüşdə milli komandamızın şərəfini Teymur Rəcəbov, Vüqar Həşimov, Şəhriyar Məmmədyarov, Qədir Hüseynov və Rauf Məmmədov qoruyacaq. Rəqib komandanın heyətində isə dünya çempionu Vişvanatan Anand (Hindistan), vitse-çempion Vladimir Kramnik (Rusiya), sonuncu Dünya kubokunun finalçısı Aleksey Şirov (İspaniya) və nüfuzlu Veyk An Zee turnirinin son qalibi Sergey Karyakin (Ukrayna) yer alıb.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar