Yunan-Roma güləşi üzrə Azərbaycan milli komandasına yeni məşqçi cəlb olunub. Bu haqda Lent.az-a Güləş Federasiyasının vitse-prezidenti Elçin Cəfərov məlumat verib.

Onun sözlərinə görə, gürcüstanlı mütəxəssis Otar Tatişvili yığmamızın məşqçilər korpusuna daxil edilib: “Tatişvili bir müddətdir yığmamızın əsas heyət üzvlərinin hazırlıq prosesinə nəzarət edir. Onu millimizin böyük məşqçisi də adlandırmaq olar. Əvvəllər o, Gürcüstan yığmasının məşqçilərindən biri olub. Tələbələri dünya və Avropa çempionu adını qazanıblar. Məsələn, 2007-ci ildə Bakıda keçirilmiş dünya çempionatında 84 kq çəkidə qızıl medal qazanmış Ramaz Nozadze onun yetirməsidir. Tatişvili həm də yığmamızın eyni çəkidəki üzvü Şalva Qadabadzenin şəxsi məşqçisidir”.

Bununla belə, Cəfərov Tatişvilinin millimizə baş məşqçi təyinatının hələ gündəmdə olmadığını vurğulayıb.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar