Gürcüstanlı mütəxəssis Otar Tatişvili yunan-Roma güləşi üzrə Azərbaycan yığmasına böyük məşqçi təyin edilib. Bəs görəsən, əksər azərbaycanlı güləş həvəskarlarının tanımadığı Tatişvili kimdir?

Otar Tatişvili 1947-ci il mayın 8-də anadan olub. O, məşqçilik karyerasında bir sıra uğurlara imza atıb. Onun yetirmələrindən Kaxaber Çaçua (60 kq) 2000-ci il Sidney Yay Olimpiya Oyunlarında bürünc, Qoça Çeçiaşvili (84 kq) 2003-cü, Ramaz Nozazde (96 kq) isə 2007-ci il dünya çempionatında qızıl medal qazanıb.

Bundan başqa, Tatişvili mili komandamızın gürcüstanlı legioneri, Avropa çempionatının bürünc medalçısı Şalva Qadabadzenin (84 kq) də şəxsi məşqçisidir. Gürcüstanın əməkdar məşqçisi olan 62 yaşlı mütəxəssis, həmçinin bu ölkənin “Şərəf” ordeninə və FILA-nın “Qızıl Orden”inə layiq görülüb.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar