Azərbaycan güləş yığmalarının baş məşqçiləri İtaliyanın Sassari şəhərində başa çatan sayca 14-cü “Town of Sassari” beynəlxalq turniri ilə bağlı fikirlərini bildiriblər. Apasport.az saytının məlumatına görə, federasiyanın vitse-prezidenti, yığma komandanın baş məşqçisi Elçin Cəfərov yarışın yekunundan razı qalıb: “Təlim-məşq toplantılarının yekununa əsasən yoxlama xarakterli bu turnirin nəticələri qənaətbəxşdir. Çünki Sakit Cəlilov istisna olmaqla, digər medal qazanmış idmançılarımız öz çəkilərindən yuxarı çəki dərəcəsində çıxış ediblər. Nəzərə alsaq ki, turnirdə olimpiada, dünya və Avropa çempionatları kimi nüfuzlu yarışların mükafatçıları da iştirak edib, o zaman nəticələri normal qəbul etmək olar”.

Əldə edilən 2 qızıl və 2 bürünc medala baxmayaraq, qadınlardan ibarət yığma komandanın baş məşqçisi Orest Skobelski isə güləşçilərimizin çıxışından tam razı qalmayıb: “6 nəfərə 4 medal qazansaq da, qızların çıxışından tam razı qalmadım. Çatışmazlıqlar var və onları aradan qaldırmaq üçün çox çalışmalıyıq”.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar