Dünyanın ən qocaman olimpiyaçılarından olan britaniyalı Qotfri Ramplinq dünyasını dəyişib. Apasport.az saytının məlumatına görə, 1936-cı il Berlin Olimpiadasının çempionu 100 yaşında vəfat edib.

73 il əvvəl atletika üzrə 4x400 metr məsafəyə estafet qaçışında qızıl medal qazanmış Ramplinq yuxuda ikən keçinib. O, 1932-ci ildə Los Anceles Olimpiadasındakı 4x400 metr estafet yarışında gümüş mükafat qazanan britaniyalı 4 il sonra çempion adını da əldə etmişdi. Həyatının son illərini qocalar evində keçirən mərhum bu ilin may ayında 100 illiyini təntənə ilə qeyd etmişdi.

Onda idmançının məşhur qızı – Hollivud ulduzu Şarlott da tədbirə qatılmışdı. Qalmaqallı “Gecə portyesi” filminin qəhrəmanının atası 29 il Britaniya ordusunda xidmət edib. Olimpiya oyunlarına da hərbçi kimi yollanan Qotfri 1958-ci ildə polkovnik rütbəsi ilə istefaya çıxıb.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar