Stolüstü tennis üzrə Azərbaycan milli komandası Avropa çempionatında iştirak etmək məqsədilə bu gün Çexiyanın paytaxtı Praqaya yola düşüb. Azərbaycan Stolüstü Tennis Federasiyasından apasport.az saytına verilən məlumata görə, sayca 52-ci dəfə keçiriləcək çempionatda ölkəmizin şərəfini 5 kişi və 2 qadın idmançı qoruyacaq.

Yığma üzvləri yarışa Şəkidə hazırlaşıblar. Onlar burada 10 gün ərzində fiziki və taktiki məşqlər ediblər. Sabah start götürəcək qitə birinciliyində milli komandamızı Sloveniya, İsveçrə, İrlandiya, Polşa, Türkiyə, Norveç kimi güclü rəqiblərlə mübarizə gözləyir. Yarış iyulun 19-da başa çatacaq.

• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib