Serbiyanın paytaxtı Belqradda keçirilən 25-ci Yay Universiadası başa çatıb. Apasport.az saytının məlumatına görə, yarışda Azərbaycanın şərəfini 18 tələbə-idmançı qoruyub. 15 növün 4-də (taekvondo, cüdo, atletika, bədii gimnastika) mübarizə aparmış həmyerlilərimiz iki qızıl medal qazanıblar. Fəxri kürsünün ən yüksək pilləsinə cüdoçu Ramin Qurbanov (81 kq) və atlet Ramil Quliyev (200 m məsafəyə qaçış) yüksəlib.

Yekunda Azərbaycan yığması 145 ölkə arasında medalların keyfiyyətinə görə 28-ci, kəmiyyətinə görə isə 46-cı yeri tutub. Universiadanın qalibi Rusiya komandası olub - 27 qızıl, 22 gümüş, 27 bürünc medal.

• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar