Beynəlxalq Güləş Federasiyaları Assosiasiyasının (FİLA) prezidenti Rafael Martinetti Bakıya gəlib. Azərbaycan Güləş Federasiyasının (AGF) İnformasiya ve İctimaiyyətlə Əlaqələr şöbəsindən Lent.az-a verilən məlumata görə, Martinettinin zəngin səfər proqramı var.

İsveçrəli qonaq iyulun 16-da saat 11:00-da “Excelsior” otelinin “Afurja” zalında mətbuat konfransı keçirəcək. Tədbirdə AGF rəhbərliyi də iştirak edəcək. Sonra Martinetti Fəxri Xiyabanda Heydər Əliyevin məzarını ziyarət edəcək.

FİLA prezidenti iyulun 17 – 19-da Bakı İdman Sarayında keçiriləcək Heydər Əliyevin xatirəsinə sərbəst, yunan-Roma və qadın güləşi üzrə “Qızıl Qran-pri” turnirinin final mərhələsini izləyəcək, AGF rəhbərliyi ilə bir sıra məsələlər ətrafında fikir mübadiləsi aparacaq.

• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar