Braziliyalı dünya çempionu Dayan dos Santos dopinqdə ilişib. Apasport.az saytının məlumatına görə, 2003-cü ildə idman gimnastikasında sərbəst hərəkətlər üzrə qızıl medal qazanan 26 yaşlı Santosun qanında istifadəsi qadağan olunmuş preparat - diuretika forosemidası aşkarlanıb. Bunu Beynəlxalq Gimnastika Federasiyası bəyan edib. İdmançı yarışdan kənar müddətdə dopinq test verib və bu, müsbət çıxıb.

Qeyd edək ki, dos Santos ötən il Pekin Yay Olimpiya Oyunlarından sonra dizindəki zədə ucbatından çıxış etmir. Onun baş verən vəziyyəti izah etmək və apelyasiya vermək üçün 21 gün vaxtı var. Braziliyalı idmançının günahı sübut olunarsa, o, iki il diskvalifikasiya ediləcək.

• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar