Qadın otüstü hokkeyçilərdən ibarət Azərbaycan milli komandası Çinin Şanxay şəhərinə təlim-məşq toplanışına yollanır. Bu haqda apasport.az saytına Azərbaycan Otüstü Hokkey Federasiyasının mətbuat katibi Yaqub Nuriyev məlumat verib.

Yanvarın 12-də Şanxaya gedəcək həmyerlilərimiz təlim-məşqlərlə yanaşı, yoldaşlıq görüşlərində də qüvvələrini sınayacaqlar. Yığmamızın Çin milli komandası və bir neçə yerli klubla yoxlama matçı keçirməsi planlaşdırılıb. Şanxay toplanışı yanvarın 28-də yekunlaşacaq. Bu, otüstü hokkeyçilərimiz üçün apreldə Rusiyada təşkil olunacaq dünya çempionatının seçmə oyunlarına hazırlıq xarakteri daşıyacaq.

• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar