Pekin Yay Olimpiya Oyunlarının qalibi, cüdoçu Elnur Məmmədlinin toyunun vaxtı və yeri müəyyənləşib. Apasport.az saytının məlumatına görə, 22 yaşlı idmançı aprelin 3-də subaylığın daşını atacaq.

Onun toy mərasimi "Madonna" şadlıq sarayında təşkil olunacaq. Olimpiya çempionunun toyunda 500-ə yaxın qonağın iştirakı gözlənilir. Məlumata görə, qonaqlar arasında AGİN rəhbəri Azad Rəhimov da olacaq. Toy mərasimində Elnurun yaxın dostu, müğənni Zamiq oxuyacaq. Zamiqlə yanaşı, daha 4 nəfər gələnlərin könüllərini oxşayacaqlar.

Xatırladaq ki, Elnur Məmmədli ötən ilin ortalarında nişanlanıb. O, əvvəlcə toyunu martın 5-nə təyin etmişdi. Babası dünyasını dəyişdiyinə görə, bu, aprelin 3-nə qədər təxirə salınıb.

• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb