Rusiyanın paytaxtı Moskvada şahmat üzrə beynəlxalq “Vladimir Dvorkoviç kuboku” start götürüb. Apasport.az saytının məlumatına görə, yarışda əsasən gənclərdən ibarət olan Azərbaycan yığma komandası ilə bərabər, Rusiya, (2 komanda ilə), Çin, Polşa, Ermənistan, Ukrayna və Belarusun yığma komandaları qüvvəsini sınayır.

İlk turda şahmatçılarımız turnirin reytinq favoriti rusiyalı həmkarları ilə üz üzə gəliblər. Birinci oyunda tərəflər görüşü sülhlə yekunlaşdırsalar da (2:2), cavab qarşılaşmasında komandamız qələbə qazanıb (2,5:1,5).
Bu gün keçiriləcək görüşdə rəqibimiz Polşa millisi olacaq.

Qeyd edək ki, Azərbaycan yığma komandasının heyətində Nicat Abasov, Ülvi Bacarani, Misrəddin İsgəndərov və Səbinə Quliyeva yer alıblar. Reqlamentinə əsasən, hər ölkə gündə bir-biri ilə 2 oyun keçirir.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib