Almaniyanın Dortmund şəhərində keçirilən şahmat üzrə beynəlxalq “Sparkassen” turnirinin ilk turu azərbaycanlı zəka sahibi üçün uğurlu olub. Apasport.az saytının məlumatına görə, bu mötəbər yarışda qüvvəsini sınayan Şəhriyar Məmmədyarov (2761) almaniyalı Arkadi Naydiç (2684) üzərində inamlı qələbə qazanıb. Qara fiqurla oynayan qrossmeysterimiz rəqibini 47-ci gedişdə mat edib.

Digər görüşlərdə Ruslan Ponomaryov (Ukrayna, 2734) Peter Lekoya (Macarıstan, 2734) qalib gəlib. Dünya çempionu Vladimir Kramnik (Rusiya, 2790) isə gözlənilmədən zəif Le Kuanq Lyemlə (Vyetnam, 2681) xalları yarı bölüb.

Qeyd edək ki, II turda Məmmədyarov yenə də qara fiqurlarla oynayacaq. Həmyerlimizin rəqibi bu dəfə Leko olacaq.

• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib
• “Azərlotereya” çempion axtarır!
• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib