Rusiyanın Xanti-Maysiysk şəhərində keçirilən şahmat üzrə Dünya Kuboku davam edir. Apasport.az saytının məlumatına görə, yarışın 1/32 mərhələsi Azərbaycan qrossmeysterləri üçün uğurlu alınıb.

Belə ki, təmsilçilərimiz Teymur Rəcəbov və Vüqar Həşimov növbəti mərhələyə vəsiqə qazanıblar. Onlar müvafiq olaraq, hindistanlı Parimarcan Negiyi və belaruslu Sergey Azarovu yarışdan kənarlaşdırıblar.

Lakin Şəhriyar Məmmədyarovun 1/16 finala vəsiqə qazanıb-qazanmayacağına bu gün aydınlıq gələcək. O hər 2 oyunda Daniel Fridmanla heç-heçə etdiyindən qalib tay-breykdə müəyyənləşəcək.

Qeyd edək ki, ümumi mükafat fondu 1,6 milyon ABŞ dolları olan yarışa 5 zəka sahibi ilə qatılsaq da, ilk mərhələdə Namiq Quliyev və Rauf Məmmədov mübarizəni dayandırmışdılar.

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb