Azərbaycanın “Baku Fires” klubu Ümümdünya Boks Seriyasının (WSB) 2011/2012 mövsümün ilk matçını keçirib. Apasport.az saytının məlumatına görə, “Sərhədçi” Olimpiya Mərkəzində baş tutan döyüşdə rəqib Çinin “Wuxi Dragons” komandası olub.

“Baku Fires” turnirə möhtəşəm qələbə start verib. 5 döyüşün hamısında qalib tərəf Azərbaycan klubunun boksçuları olub - 5:0.

Doyüşlərin nəticələri:

54 kq. Məhəmməd Əbdülhəmidov (Azərbaycan) – Yuyu Du (Çin) - 49:46, 50:45, 49:46

61 kq. Mədadi Naqzibəyov (Tacikistan) – Jenqjia Denq (Çin) - 50:45, 50:45, 50:45

73 kq. Heybulla Mürsəlov (Azərbaycan) – Vey Liu (Çin) – 50:45, 49:44, 50:43.
85 kq. Ramazan Məhəmmədov (Azərbaycan) – Yunlonq Şi (Çin) – 50:44, 50:44, 50:44

+91 kq. Əbdülqədir Abdullayev (Azərbaycan) - Cozef Parker (Yeni Zelandiya) – 49:46, 49:46, 49:46

Qeyd edək ki, “Baku Fires” və “Wuxi Dragons” yer aldığı B qrupunda artıq bir matç keçirilib. Fransanın “Paris United” komandası Türkiyənin “İstanbul Bosphorus” klubunu 3:2 hesabı ilə məğlub edib.

“Baku Fires”ın növbəti rəqibi məhz “İstanbul Bosphorus” olacaq. Döyüş noyabrın 18-də Türkiyədə keçiriləcək.

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb