AVRO-2012-nin ev sahiblərindən olan Polşa yığması baş məşqçi postuna namizədlərin adlarını açıqlayıb. Apasport.az saytının Reuters-ə istinadən məlumatına görə, final mərhələsində topladığı 2 xalla qrupda qalan polşalılar postundan gedən Frantişek Jmudanı Azərbaycan milli komandasının baş məşqçisi Berti Foqtsla əvəzləmək istəyir. Polşa Futbol Federasiyasının prezidenti Qjeqoj Lyato baş məşqçi vəzifəsinə kimlərin namizəd olduğunu bildirib: “Siyahıda 2 namizəd var. Bunlar polşalı Valdemar Fornaliklə almaniyalı Berti Foqtsdur. Onlar arasında seçim ediləcək”.

Qeyd edək ki, AFFA-nın 2008-ci ilin aprelindən millimizin baş məşqçi postuna gətirdiyi 66 yaşlı Foqtsla növbəti seçmə mərhələnin – 2014-cü ilin sonuna kimi müqaviləsi var.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq