Avropa çempionatının yarımfinal mərhələsində Portuqaliya yığması ilə oyun İspaniya millisinin kapitanı İker Kasilyas üçün əlamətdar olub. Apasport.az saytının məlumatına görə, Madrid “Real”ının 31 yaşlı qapıçısı yığmada 100-cü qələbəsini qazanıb. İspanlar buna qolsuz bərabərliklə nəticələnən oyunun penaltilər seriyasında 4:2 hesablı qələbə ilə nail olub. Kasilyas rəqibin yarımmüdafiəçisi Joao Moutinyonun zərbəsini qaytarıb, müdafiəçi Bruno Alveşin həmləsindən sonra isə top qapı tirinə dəyib.

Qeyd edək ki, İker heyətində Avropa və dünya çempionluğu qazandığı yığmasında keçirdiyi 136 oyunla rekordçudur.

• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq