“Maraqlı və gərgin matç alındı. Xüsusilə oyunun ilk dəqiqələrini qeyd etmək lazımdır”.

Bu sözləri apasport.az saytına açıqlamasında Arif Əsədov deyib.

Təcrübəli mütəxəssis “Neftçi” - “Qarabağ” matçını dəyərləndirib: “Hiss olunurdu ki, “Neftçi” görüşə yaxşı hazırlaşmışdı, xal qazanmaq istəyirdi. Azarkeş dəstəyi də möhtəşəm idi. Lakin “Qarabağ”ın vurduğu qol oyunun sınma nöqtəsi oldu. 2 və 3-cü qollar isə “Neftçi”nin ruhdan düşməsinə gətirib çıxardı. Baxmayaraq ki, ağdamlılar əsas heyətlə oynamırdı, yenə də “Qarabağ” “Qarabağ”dır. Komanda layiqli qələbə qazandı. Təbii ki, “Neftçi”də baş məşqçi yenidir. Heyətlə bağlı axtarışlar gedir. Samir Abasov oyun sxemini tapmağa çalışır. Nəinki “Neftçi”, digər klublarımız da “Qarabağ”la mübarizə aparmağa hazır deyil”.

Qeyd edək ki, “Neftçi” öz meydanında “Qarabağ”a uduzub - 0:3. 

İsmayıl Xeyrullayev

• "Neftçi" "Qalatasaray", "Fənərbaxça" və "Beşiktaş"la qarşılaşacaq
• "Sabah"ın yeni transferi: "Burada olduğum üçün şadam" - VİDEO
• "Qarabağ" - FCSB matçının təyinatları bəlli olub
• Ramin Əhmədov: "Limitin ləğv edilməsi bəlkə də yaxşıdır"
• "Qarabağ" üçün şad xəbər: O, komandaya qoşulub