Gənclər və İdman Nazirliyi ilə Azərbaycan Kanoe və Avarçəkmə Federasiyasının (AKAF) 2024-cü il üçün təsdiq etdiyi təqvim planına əsasən keçiriləcək Azərbaycan birinciliyinə rekord sayda idmançı qatılacaq.

Apasport.az xəbər verir ki, yarış 23-24 fevral tarixlərində Mingəçevirdə yerləşən “Kür” Olimpiya Tədris-İdman Mərkəzində baş tutacaq.

Birincilikdə Bakı və Mingəçevirdən olan 2006-2007, 2008-2009 və 2010-2011-ci il təvəllüdlü 100-dən çox avarçəkən mübarizə aparacaq. Bu da son illərdə avarçəkmə üzrə keçirilən ölkədaxili turnirlərdə rekord göstəricidir.

Qaliblər diplom və medallarla mükafatlandırılacaqlar. Eyni zamanda fərqlənən idmançılar mayda Ümummilli Lider Heydər Əliyevin xatirəsinə həsr edilən “Prezident Kuboku-2024” beynəlxalq reqatasında iştirak edərək, yığmanın heyətinə cəlb ediləcəklər.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib