“Turan Tovuz” heyətini yeni oyunçu ilə gücləndirib

Apasport.az xəbər verir ki, komanda son olaraq Sloveniya təmsilçisi “Olimpiya”da çıxış etmiş Xorxe Silva ilə müqavilə imzalayıb.

Bu barədə klubun mətbuat xidməti məlumat yayıb.

Portuqaliyalı futbolçu ilə 2 illik sözləşmə bağlanıb.

29 yaşlı sağ cinah müdafiəçisi vətənində “Sportinq” B, “Leyşoeş” və “Pasoş Fereyra” klublarında da forma geyinib. O, həmçinin Portuqaliyanın U-18, U-19 və U-20 milli komandalarının üzvü olub.

Xorxe Silva ötən mövsüm “Olimpiya”nın heyətində 48 oyunda meydana çıxıb. Oyunların 13-nü UEFA Konfrans Liqasında, 33-nü Sloveniya çempionatında, 2-ni isə Sloveniya kubokunda keçirib.

• Rövşən Nəcəf: “Azərbaycan futbolu yalnız Premyer Liqadan ibarət deyil”
• FIFA rəsmisi: “Azərbaycan futbolu Avropada etimad qazanır”
• Azərbaycan klublarına UEFA-dan ayrılan maliyyə vəsaiti açıqlanıb
• AFFA-nın illik gəliri açıqlandı: ən böyük pay kimə məxsusdur?
• AFFA açıqladı: BU STADİONLAR TƏMİRƏ BAĞLANACAQ