UEFA Avropa Liqasının Liqa mərhələsinin III turunda keçiriləcək "Qarabağ" - "Ayaks” (Niderland) matçından öncə təşkil ediləcək mətbuat konfransları və media nümayəndələri üçün açıq məşqlərin vaxtları məlum olub.
Apasport.az klubun mətbuat xidmətinə istinadən xəbər verir ki, "Qarabağ"ın baş məşqçisi Qurban Qurbanovun mətbuat konfransı oktyabrın 23-də, saat 13:45-də Tofiq Bəhramov adına Respublika stadionunda baş tutacaq.
17:00-da isə media nümayəndələri üçün açıq məşq (ilk 15 dəqiqə) “Azərsun Arena”da gerçəkləşəcək.
Qonaq komandanın baş məşqçisi Françesko Fariolinin Tofiq Bəhramov adına Respublika stadionunda təşkil olunacaq mətbuat konfransı saat 18:00-da start götürəcək. Niderland təmsilçisinin “Neftçi Arena”da reallaşacaq açıq məşqi 12:45-də başlayacaq.
Qeyd edək ki, oktyabrın 24-də keçiriləcək “Qarabağ” – “Ayaks” görüşü saat 20:45-də başlayacaq.
- Şəhriyar Əliyev: "Kəpəz"lə matç çempionatdakı ən ağır oyunlarımızdan biri olacaq" - Müsahibə
- "Qarabağ"da gözlənilməz ayrılıq - KARYERASINI AVROPADA DAVAM ETDİRƏCƏK
- Alfa Konte: "Daha yaxşı günlərin olacağına inanın"
- UEFA-dan Kamal Umudluya növbəti təyinat
- “Araz-Naxçıvan” Premyer Liqada 25-ci qələbəsini qazanıb