"Hamımız milli üçün dua edirik. Heç olmasa, bu matçda qələbə qazanıb azarkeşləri sevindirmək lazımdır".

Bu sözləri apasport.az saytına açıqlamasında Kənan Kərimov deyib.

"Karvan"ın baş məşqçisi Azərbaycan millisinin Slovakiya ilə matçını dəyərləndirib: "Estoniya ilə oyunda bir neçə real qol epizodu var idi ki, onlardan yararlanmaq lazımıydı. Xüsusilə də ilk yarıda. Slovakiya isə daha ciddi və təhlükəli rəqibdir. Onlara qarşı oyunda belə səhvlərə yol vermək olmaz. Çünki bu tip komandalar elə səhvləri bağışlamırlar. Futbolçularımıza inanmaq, güvənmək lazımdır. Ümid edək ki, bu gün ilk qələbələrini qazanıb bizləri sevindirəcəklər".

Qeyd edək ki, Azərbaycan - Slovakiya görüşü bu gün saat 20:00-da start götürəcək.

İsmayıl Xeyrullayev

• Françesko Kaltsona: “Azərbaycan çox təhlükəli rəqibdir”
• Fernandu Santuş: “Bu ifadəni heç vaxt işlətməyəcəm”
• Elvin Cəfərquliyev: “Özümü komanda yoldaşlarımdan fərqləndirməzdim”
• Millətlər Liqası: Portuqaliya və İspaniyadan qələbə - YENİLƏNİB
• Millətlər Liqası: Türkiyədən qələbə, Gürcüstan məğlub oldu - YENİLƏNİB