"Qalatasaray" üçün qara gecə, "Fənərbaxça" turun qapısını açdı

"Qalatasaray" üçün qara gecə, "Fənərbaxça" turun qapısını açdı - YENİLƏNİB

14.02.2025 - 01:52

Bu gün UEFA Avropa Liqasında pley-off mərhələsinin ilk oyunları keçirilib.

Apasport.az xəbər verir ki, Türkiyənin “Fənərbaxça” komandası İstanbulda “Anderlext”i qəbul edib.

"Sarı-lacivərdlilər" ilk dəqiqələrdən üstünlüyü ələ alıblar. Görüş meydan sahiblərinin 3:0 hesablı qələbəsi ilə başa çatıb.

Digər bir Super Liqa təmsilçisi "Qalatasaray" isə səfərdə "Alkmaar"la üz-üzə gəlib.

“Cimbom” üçün matç uğursuz keçib. Oyunun 11-ci dəqiqəsində ev sahibləri hesabı açıblar. “Sarı-qırmızılılar”ın yeni transferi Rolland Sallai hesabı bərabərləşdirsə də, rəqib üstünlüyü ələ keçirməyi bacarıb.

İkinci hissəyə də yaxşı başlamayan “Qalatasaray” 51-ci dəqiqədə Kaan Ayhanın ikinci sarıdan sonra qırmızı vərəqə alması ilə meydanda azlıqda qalıb.

Görüş ev sahiblərinin 4:1 hesablı qələbəsi ilə başa çatıb.

UEFA Avropa Liqası

Pley-off mərhələsi, ilk oyunlar

13 fevral

21:45 "Fənərbaxça" (Türkiyə) – "Anderlext" (Belçika) 3:0
21:45 "Ferensvaroş" (Macarıstan) – "Viktoriya" (Çexiya) 1:0
21:45 "Midtyulland" (Danimarka) – "Real Sosyedad" (İspaniya) 1:2
21:45 "Yunion" (Belçika) – "Ayaks" (Niderland) 0:2

00:00 "Alkmaar" (Niderland) – "Qalatasaray" (Türkiyə) 4:1
00:00 "Portu" (Portuqaliya) – "Roma" (İtaliya) 1:1
00:00 PAOK (Yunanıstan) – FCSB (Rumıniya) 1:2
00:00 "Tvente" (Niderland) – "Bodo-Qlimt" (Norveç) 2:1

"Fənərbaxça": 1.İrfan Can Eğriyabat, 21.Brayt Osayi Samuel, 37.Milan Şkriniar, 95.Yusuf Akçiçek, 18.Filip Kostiç, 53.Sebastian Şimanski, 13.Fred, 34.Sofyan Amrabat, 10.Duşan Tadiç, 19.Yusif En-Nesri, 9.Edin Dzeko.

"Anderlext": 26.Kosemans, 54.Sardella, 3.Hey, 34.Adryelson, 6.Avqustinson, 83.De Qrif, 32.Dendonker, 17.Leoni, 21.Huerta, 20.Vazkez, 29.Stroykens.