Türkiyənin UEFA Konfrans Liqasındakı təmsilçisi "Trabzonspor" turnirin liqa mərhələsinə vəsiqə qazana bilməyib.

Apasport.az xəbər verir ki, Qara dəniz təmsilçisi evdə İsveçrənin "St. Qallen" klubu ilə üz-üzə gəlib.

Cütün ilk qarşılaşmasında qapılara yol tapılmamışdı. Trabzondakı matçda isə hərəyə bir dəfə fərqlənən komandalar penaltilər seriyasında qalibin adına aydınlıq gətiriblər. 31-ci dəqiqədə qonaqların heyətində İsaak Şmitin vurduğu qola 52-ci dəqiqədə Enis Destan cavab verib. Əlavə vaxtda da qapılara yol tapılmadığı üçün tərəflər penaltilər seriyasına yollanıb. 

Qonaqların 5 futbolçusu hədəfdən yayınmayıbsa, "Trabzonspor"da Saviç 5-ci zərbədə topu qapıdan keçirə bilməyib. Beləcə, Türkiyə təmsilçisi liqa mərhələsindən kənarda qalıb. 

• ÇL: PSJ "Liverpul"a, "Real" "Atletiko"ya rəqib oldu - YENİLƏNİB
• Konfrans Liqası: “Betis” və “Panatinaikos” 1/8 finalda - YENİLƏNİB
• AL: “Fənərbaxça” 1/8 finalda, “Qalatasaray” mübarizəni dayandırdı - YENİLƏNİB
• “Fənərbaxça”nın oyunu yarımçıq dayandırılıb
• “Real Madrid” “Mançester Siti”ni məğlub edərək rekorda imza atıb