Azərbaycanın sərbəst güləşçisi Gülxanım Şirinova Bakıda keçirilən U-17 dünya çempionatında bürünc medal uğrunda görüşə vəsiqə qazanıb.

Apasport.az xəbər verir ki, 40 kq çəki dərəcəsində mübarizə aparan idmançı təsəlliverici görüşdə Monqolustan təmsilçisi Azzaya Battulqanı 10:0 hesabı ilə məğlub edib.

Şirinova bu gün axşam seansında bürünc medal uğrunda Türkiyə güləşçisi Şirin Askarla üz-üzə gələcək.

Qeyd edək ki, U-17 dünya çempionatı Milli Gimnastika Arenasında keçirilir.

Yarışda 60-dan çox ölkədən 700-ə yaxın yeniyetmə güləşçi iştirak edir. Azərbaycan mundialda 29 idmançı ilə təmsil olunur.

• DÇ U17: Güləşçimiz ilk döyüşündə məğlub oldu
• U-17 dünya çempionatı – 7 güləşçimiz xalçaya çıxacaq
• Gülxanım və Fatimə üçün bürünc medal şansı
• U-17 DÇ: Fatimə Bayramova yarımfinala yüksələ bilmədi
• U-17 DÇ: Daha bir güləşçimiz ilk görüşdə məğlub oldu