İtaliya A Seriyasında VIII turun oyunları keçirilir.

Apasport.az xəbər verir ki, “Latsio” doğma meydanda “Parma”nı qəbul edib.

Görüş Roma təmsilçisinin 2:1 hesablı qələbəsi ilə başa çatıb.

Meydan sahiblərinin heyətində Kennet Teylor 50-ci dəqiqədə hesabı açıb. 58-ci dəqiqədə Dieqo Karlosun avtoqolu fərqi iki topa çatdırıb. Qonaqların yeganə qolunu isə 90+5-ci dəqiqədə Simone Lontani vurub.

Bununla da Cennaro Qattuzonun rəhbərlik etdiyi “Latsio” mövsümün ilk 8 turunda 7-ci qələbəsini qazanıb. Roma klubu yalnız “Milan”la qarşılaşmada (2:2) xal itirib.

“Latsio” daha əvvəl “Bolonya” (1:0), “Cenoa” (1:0), “Udineze” (2:1), “Venetsiya” (2:0), “Montsa” (3:1) və “Yuventus”u (3:0) məğlub edib.

Qeyd edək ki, məğlubiyyətsiz seriyasını davam etdirən paytaxt təmsilçisi xal ehtiyatını 22-yə çatdırıb.

• Premyer Liqa: Lider məğlub oldu
• “Trabzonspor” “Beşiktaş”ı xalsız yola saldı
• A Seriyası: “Yuventus” Turində “Latsio”ya məğlub olub
• Premyer Liqa: “Arsenal”dan minimalhesablı qələbə
• Super Liqa: “Kasımpaşa”dan darmadağın