Millimiz Avropa çempionatının finalına 1 addım da yaxınlaşdı
29.05.2010 - 23:47
Voleybol üzrə qadınlar arasında Avropa çempionatının seçmə mərhələsində növbəti turun oyunları keçirilib. Apasport.az saytının məlumatına görə, Bakı İdman Sarayında təşkil edilən qarşılaşmada Azərbaycan və Bosniya və Herseqovina yığmaları üz-üzə gəliblər.
Bir gün əvvəl olduğu kimi, bu dəfə də komandamızın oyunu məşq xarakteri daşıyıb. Bosniyalılara çətin anlar yaşadan Faiq Qarayevin yetirmələri birinci hissədə 25:13 hesabı ilə qələbə qazanıblar. Azarkeşlərin alqışlarından ruhlanan voleybolçularımız ikinci setdə də inamlı oyun nümayiş etdiriblər – 25:15. Maraqlıdır ki, yığmamız keçirdiyi beşinci görüşünü də “quru hesabla” başa vurub. Onlar sonuncu hissədə 25:17 hesabı ilə rəqiblərini məğlub edərək birinci pillədəki yerlərini qoruyublar.
Qrupumuzda keçirilən digər oyunda Belarus voleybolçuları gürcülərə gözlərini açmağa imkan vermədi. Nikalay Karpolun yetirmələri 25:7, 25:5 və 25:9 hesabı ilə qələbə qazanaraq 3 setdə rəqibə cəmi 21 xal verdilər.
II seçmə mərhələnin başa çatmasına 1 tur qalmış Azərbaycan komandasını 12 xalı var. İkinci pillədə qərarlaşan Belarus millisinin 11 xala malikdir. Bosniya və Herseqovina 6 xalla üçüncü, Gürcüstan yığması isə 5 xalla dördüncüdür.
Qeyd edək ki, bu gün saat 16:00-da Bosniya və Herseqovinaya və Gürcüstan, saat 18:30-da isə Azərbaycan və Belarus yığmaları qüvvələrini sınayacaqlar.
Bir gün əvvəl olduğu kimi, bu dəfə də komandamızın oyunu məşq xarakteri daşıyıb. Bosniyalılara çətin anlar yaşadan Faiq Qarayevin yetirmələri birinci hissədə 25:13 hesabı ilə qələbə qazanıblar. Azarkeşlərin alqışlarından ruhlanan voleybolçularımız ikinci setdə də inamlı oyun nümayiş etdiriblər – 25:15. Maraqlıdır ki, yığmamız keçirdiyi beşinci görüşünü də “quru hesabla” başa vurub. Onlar sonuncu hissədə 25:17 hesabı ilə rəqiblərini məğlub edərək birinci pillədəki yerlərini qoruyublar.
Qrupumuzda keçirilən digər oyunda Belarus voleybolçuları gürcülərə gözlərini açmağa imkan vermədi. Nikalay Karpolun yetirmələri 25:7, 25:5 və 25:9 hesabı ilə qələbə qazanaraq 3 setdə rəqibə cəmi 21 xal verdilər.
II seçmə mərhələnin başa çatmasına 1 tur qalmış Azərbaycan komandasını 12 xalı var. İkinci pillədə qərarlaşan Belarus millisinin 11 xala malikdir. Bosniya və Herseqovina 6 xalla üçüncü, Gürcüstan yığması isə 5 xalla dördüncüdür.
Qeyd edək ki, bu gün saat 16:00-da Bosniya və Herseqovinaya və Gürcüstan, saat 18:30-da isə Azərbaycan və Belarus yığmaları qüvvələrini sınayacaqlar.
0
0
Oxşar xəbərlər
Ana səhifə
Bütün xəbərlər
Hesabım