"Xilasedici" ölkə kubokunun qalibi olub

04.11.2024 - 18:21

Voleybol üzrə "Yaşıl dünya naminə həmrəylik ili" çərçivəsində təşkil olunan Azərbaycan kubokunun ilk qalibi bəlli olub.

Apasport.az xəbər verir ki, kişi voleybolçular arasında keçirilən yarışın finalənda "Azərreyl" "Xilasedici" ilə qarşılaşıb.

Hər 3 setdə rəqibini məğlub edən "Xilasedici" inamlı qələbə qazanıb – 3:0 (25:18,25:21,25:23). Komanda bununla da, Azərbaycan kubokunun qalibi olub.

Qeyd edək ki, günün ikinci qarşılaşmasında qadın voleybolçular qalibi müəyyənləşdirəcəklər. Finalda "Gəncə" və "Abşeron" üz-üzə gələcək.