Bakı. Kənan Həsənov - APA-Sport. FİFA-nın Nizam-İntizam Komitəsi Serbiyanın olimpiya yığmasının üzvünü bir il müddətinə cəzalandırıb. “APA-Sport” agentliyinin məlumatına görə, buna Slobodan Raykoviçin Pekin Olimpiadasında Argentinaya qarşı oyunda etdiyi hərəkət səbəb olub. Komandasının 0:2 hesablı məğlubiyyətində omanlı baş hakim Əbdükara Əl-Xilalini günahkar hesab edən serbiyalı onun üzünə tüpürüb. S. Raykoviç idmançıya yaraşmayan hərəkətə görə 2000 İsveçrə frankı da ödəməli olacaq.
Qeyd edək ki, İngiltərənin “Çelsi” klubuna məxsus olan serbiyalı futbolçu icarə əsasında “Tvente”də (Hollandiya) çıxış edir.

• “Fulhem” “Real”ın hücumçusu üçün danışıqlara başladı
• Foden "Mançester Siti"də qaldı – Yeni müqavilə imzaladı
• “Komo”dan sonra “Əl-Əhli” – Davinson Sançez üçün yeni "elçi"
• İtaliano həyəcanını gizlətmədi – "Sabah ilk rəsmi oyunumuzdur"
• Malanq Sarrın yeni klubu bəlli oldu – Səudiyyə Ərəbistanına yollandı