Bakı. Vüqar Xeyrullayev - APA-Sport. Türkiyənin “Fənərbaxça” klubu avrokuboklarda özünün yubiley matçına çıxacaq. “APA-Sport”un hesablamalarına görə, sabah Çempionlar Liqasında İngiltərə “Arsenal”ı ilə görüşəcək istanbullular qitə kuboklarında 150-ci qarşılaşmasını keçirəcək. “Fənərbaxça” indiyədək keçirdiyi matçlarda 50 qələbə qazanıb, 24 heç-heçə edib və 75 dəfə məğlub olub. Bu görüşlərdə Türkiyə təmsilçisi 184 qol vurub, 252-ni buraxıb.
“Fənərbaxça” tarixində ilk dəfə avrokubok matçını noyabrın 5-də keçirəcək. İndiyədək bu tarixdə beynəlxalq oyun keçirməyən istanbullular üçün noyabr uğursuz ay sayılır. Bu ay ərzində 19 dəfə meydana çıxan “Fənərbaxça” cəmi 7 qələbə qazansa da, 12 dəfə məğlubiyyətə üzülüb.

• "Türkiyənin ən böyük klubu bizik" – İlkay Gündoğandan iddialı açıqlamalar
• "Qalatasaray" Reyndersi izləyir – "Mançester Siti" bu halda buraxacaq
• Kastro "Roma"ya, Dovbik "Bolonya"ya: 35 milyonluq transfer
• Duşan Tadiç NEC-lə razılaşdı – 2 illik müqavilə
• “Nyukasl” rekord transferini icarəyə göndərir – Voltemade "gözdən çıxarıldı"